Dili, 2 Jullu, 2009- Voluntáriu sira Nasoins Unidas nian ho totál ema na’in 62 sei espera atu to’o iha Timor-Leste atu suporta eleisaun lokál sira oin mai, hodi alkansa pedidu ida hosi Governu Timor-Leste nian.

Voluntáriu sira NU ninian hala’o tiha ona knaar importante ba prosesu eleitoral sira hotu ne’ebé organiza iha Timor-Leste, hahú ho Konsulta Populár iha tinan 1999. Papél VNU sira eleitorál-nian hetan apresiasaun maka’as husi tantu autoridade nasionál nune’e mós sistema ONU-nian.

Ba Eleisaun hirak tuir-mai Órgaun sira Jestaun Eleitorál-nian, Komisaun Nasionál ba Eleisaun (CNE) no Sekretariadu Tékniku ba Administrasaun Eleitorál (STAE) husu Voluntáriu Nasoins Unidas-nian ema na’in 62 atu kobre área-suporte keta-ketak lima (5) hanesan: operasaun iha terrenu, lojístika, edukasaun sívika no votante no mós monitorizasaun.

Ekipa Suporte Eleitorál ONU-nian (UN EST) hamutuk ho Unidade Suporte VNU husi UNMIT hala’o hela tiha ona servisu to’o oras ne’e atu identifika kandidatu sira ne’ebé apropriadu, no iha loron 23, fulan-Juñu, tinan 2009 grupu dahuluk na’in 20 to’o iha Timor-Leste.

Grupu daruak espera atu to’o iha loron 10, fulan-Jullu, tinan 2009 no grupu datoluk atu to’o iha loron 24, fulan-Jullu.