Serviços de Ambulância Timor Leste hala’o Treinamento Intensiva ba “Basic Life Support” durante Semana Ida
Dili, 27 Abril 2009- Iha loron Segunda 27 Abril, equipa tomak serbisu ambulânsia hala’o treinamento ho tópiko “Basic Life Support”. Treinamento ne’e sai nuudar komitmentu Ministériu Saúde iha loron mundial saúde (7 Abril) liu ba hodi responde exigensia konhesimentu no professionalismo iha area ne’e.
Treinamentu intensiva ne’e sei hala’o durante semana ida nia laran (27 Abril – 1 Maio). Objektivu husi treinamentu ne’e atu asegura liu tan konhesimento teorika no pratika iha area ambulansia hodi kapasita enkarregadu hala’o ho profesionalismo serbisu ne’e. Fasilidades ambulansia equiparada presiza utilizasaun no manuntensaun nebe exige professionalismo.
Iha oportunidade ida ne’e, José Paixão, Chefe Departamento dos Serviços de Encaminhamento Ministério da Saúde hateten katak de fakto treinamentu “Basic Life Support” essensial atu enkarregadu ambulansia sira konhese didi’ak serbisu ho risku maka’as ida ne’e.
Treinamento Basic Life Support konsiste iha Management Air Way: oinsá hatene didi’ak lori moras ho via aérea, Tratamento Shock/Ressusitasi, Formato Rujukan: oinsa priense formulario rujukan ba rai li’ur, Stroke, Resusitasi Bayi, Resusitasi Aspiksia Neonatorum, Anatomia Circulasaun Ran, Sistema Rujukan, no pratika motorista ba karreta ambulansia.
Treinamento nebe hala’o iha Salão Encontro Hospital Nacional Guido Valadares hetan partisipante sira mai husi funsionáriu ambulansia 13 distrito