Selebrasaun Loron Mundial ba Moras Malaria- Iha Timor-Leste ho Tema: Hatu’un Numeru Moras Malaria (“Counting Malaria Out”)
Dili, 25 Abril 2009 – Timor-Leste Selebra Loron Mundial ba Malaria ba premeira vez iha loron 25 Abril 2009. Iha loron ida n’e nasaun hirak nebe ho problema malaria sei komemora loron ne’e hodi fo hanoin ba mundo katak malaria sei sai problema ba saude publiku nebe seriu iha mundo. Inkontru Asemblia Saude Mundial dala 60 nebe hala’o iha loron 23 Maio 2007, rekomenda katak nasaun hirak nebe ho risko malaria atu selebra loron mundial ba malaria ne’e. Hanesan meios atu kombate malaria, iha tinan kotuk Organizasaun Mundial Saude (OMS) hasai tema hanesan “ malaria moras nebe la iha fronteira”. Iha tinan ida ne’e tema ba loron mundial ba Malaria Maka hanesan “Counting Malaria Out”.Iha momentu ida ne’e hanesan momentu ida Nebe diak tebes atu partisipa no fo kontribuisaun ba kontrola malaria. Loron mundial ba malaria ne’e fo hanoin ba ita hotu atu hatene konaba impaktu negativu nebe mosu tamba moras malaria, fo hanoin mos ba doadores sira atu bele kontribui mos ba kontrola malaria, fo hanoin mos ba ita atu aprende nafatin metodu kontrola foun nebe susesu ona implementa iha nasaun balun atu nune’e ita bele luta no luta nafatin hodi kombate malaria iha rai Timor-Leste. Ba parseirus nasional no internasional momentu ida ne’e hanesan momentu ida atu hanoin atu hare fila fali resultadu ruma nebe ita hetan durante ne’e.
Loron mundial ba malaria hanesan mos loron ida nebe fo hanoin ba mundo kona ba esbosu global ba implementasaun kontrola malaria nebe efektivu iha mundo no loron mundial ba malaria laos loron ba ema atu triste no tauk tamba malaria, maibe loron mundial ba malaria hanesan loron ida nebe fo oportunidade ba komunidade global hodi determina esbosus ruma hodi kombate malaria iha nivel hot-hotu. Iha evidensia barak hatudu katak ita Bele halakon malaria wainhira iha kolaborasaun diak entre parseirus implementadores ba programa kontrola Malaria iha Nivel komunidade, nasional, regional no internasional.
Selebrasaun loron mundial Malaria iha Timor – Leste tinan 2009 ne’e hala’o liu husi impelementa katividade social oi-oin hanesan tuir mai ne’e:

• Konferensia Da imprensa kona ba realidade endemia moras malária iha Timor Leste, husi SE vice Ministra Saude iha loron 23 de Abril 2009 horas 09.30 – 09.45. Diresaun tomak Ministeriu Saúde no Administrador do Distrito de Dili, Sr. Ruben Bras partisipa iha konferensia da Imprensa ne’e.
• Workshop konaba prenvensaun no kontrola Malaria Ba parseiros (Multisectoral workshop) nebe sei hala’o iha loron 23 Abril 2009, horas 09.30 – 12.00 fatin iha Salaun inkontro Ministerio Saude, Caicoli Dili. Partisipa iha workshop ne’e Administrador no ninia equipa no departamento relevante Ministerio Saude nian,
Aktividade Limpeza geral Iha Ponte Bidau Lecidere, abertura husi Sua Majestade Presidente da Republica, Iha loron 24 Abril 2009, horas 09.00 – 12.00. Aktividade limpeza geral hala’o mos iha distrito ida-idak iha Loron no horas nebe hanesan. Partisipa iha eventu Ministeriu relevantes sira hanesan, populasaun, estudante tomak iha Dili laran.

• Actividade exibizaun no tratamentu gratuita ba malaria iha Salaun Expo nasional (eis mercado Lama, Dili) iha loron 25 – 26 Abril 2009. Presidente da República rasik loke no hetan mos partisipasaun husi Vice Primeiro Ministro Assunto Social no populasaun nebe hetan tratamentu gratuita ba malaria