TimorToday.com | TimorHoje | TimorOhin

Comunicado de Imprensa
Ministro Agricultura e Pescas Mariano Assanami Sabino sei halao visita ba iha Distrito Maliana iha loron Sabadu (01/8/09) to Dominggo (02/8/09) atu hare ho besik liutan konaba planu atu halo irigasaun iha mota Malibaka nomos sei visita fatin potensial liu-liu konaba turista nian iha area we’e manas Marobo.
“Visita ida ne’e hanesan visita kontinuasaun hodi hare ho besik liutan konaba planu Ministerio agricultura e Pescas hosi TL nomos Ministerio Agricultura Indonesia nian nebe iha planu ona atu tau osan hamutuk hodi bele hadia irigasaun iha area nebe refere atu nune bele uja hodi fornese we’e ba iha area natar ba agricultor hosi nasaun bijinho rua nian,” tenik Assanami.
Assanami mos hatutan liutan katak alende hare irigasaun iha mota malibaka sei ba kontinua mos halao visita ba iha area we’e manas nebe tuir planu atu hadia ona liu-liu ba iha area turista. “Iha marobo hau sei ba hare area nebe maka tuir planu Ministerio Agricultura nian atu tau ka halo plantas ba hortikultura nian nebe ita hare bele lao diak e bele foo benefesiu ba agricultor sira. Sei karik aban bainrua we’e manas marobo ema barak bele ba visita ona entaun ema hirak ne’e bele hola sasan hortikultura hirak ne’e hanesan aifuan no modo hirak nebe maka sira sei kuda iha area neba.