Iha Outubru 2008, BELUN estabelese ona sistema Atensaun no Responde Sedu (AtReS) hodi halo monitorizasaun ba insidente violensia no situasaun hodi hatan ba konflitu no tensaun iha Timor-Leste. Agora, BELUN distribui relatoriu trimestral segundu, bazeia ba monitorisasaun iha sub-distritu 13.

Dadus ne’ebe halibur husi rede AtReS nian hatudu katak insidente violentu sai menus durante periodu relatoriu ida ne’e. Numeru insidente hatún husi insidente 187 iha periodu fulan Fevereiru ba fulan Maiu ba insidente 139 iha periodu fulan Juñu ba fulan Setembru.

Sub-distritu Ainaro Vila iha insidente barak liu, ho insidente 34. Violensia entre joven mak hanesan problema hela iha ne’e, no observador sira hare’e ida ne’e nomos hare’e atividade grupu arte marsiais aumenta iha Bobonaro, Liquica, Aileu, Covalima no Baucau. Iha mos abuzu drogas no tua iha fatin sira ne’e, no mos jogos ilegal osan (berjudi) aumenta.

Dadus ekonomiku durante periodu ida ne’e sujere katak folin produtu oioin lokal mak stavel no atividade komersial sai menus uitoan de’it. Aksaun buka servisu no sai ba sidade hodi hetan servisu kontinua. Observador sira hare’e numeru projeitu infrastrutura aumenta iha Timor-Leste tomak, no numeru negosiu foun, mane no feto nian mos aumenta, maibe iha tempu hanesan, benefisiu liu husi asistensia dezenvolvimientu (nao-governu) sai menus.

Durante periodu ida ne’e, tensaun politiku aumenta iha antisipasaun eleisaun suku, no tensaun ho ligasaun ba eleisaun mosu iha Liquica, Ermera no Covalima. Maski nune’e, nivel persepsaun katak oportunidade hetan so deit liu husi dalan familia ka partidu nian hamenus makas, no ida ne’e sujere karik katak atensaun ne’ebe prosesu eleitoral lori mai hasa’e nivel akontabilidade entre lideransa local.

Relatoriu hatudu katak relasaun entre komunidade no polisia no militar mak sai di’ak hela. Isu resolusaun disputa iha komunidade laran se hamosu pergunta iha fatin barak. Abuzu uma laran, liuliu violensia kontra feto nomos labarik, mak observa iha fatin-fatin hotu iha area ne’ebe monitorizasaun halao. Entaun, presiza estrategia kooperativu hodi prevene no responde ba isu ida ne’e.

BELUN espera katak Governu, parseiru dezenvolvimentu, no komunidade sira rasik bele utiliza analisa sistematiku ba kondisaun lokal ida ne’e hodi hatan ba desafio sira no reforsa rekursu lokal ne’ebe bele promove dame.

Atu hatene liu tan informasaun ba sistema AtReS, favor kontaktu:

Marilia (Bylah) da Costa
Program Manager, AtReS
BELUN, #5 Rua de Farol, Dili
Telefone Kantor: 331 0353

KOMUNIKASAUN BA INPRENSA

Ajensia Dezenvolvimentu Timor-Leste selebra nia aniversáriu dasanulu iha Dezembru 2009. Husi ami nia formasaun nu’udar rezultadu husi konferensia iha Melbourne iha 1999, ETDA iha nia misaun atu “Harii ita nia Povu, Harii ita nia Nasaun”. ETDA hanesan ONG lokal ne’ebe Timoroan sira mak jere.

Atu rekoñese marku ida ne’e, ETDA hala’o eventu espesial rua iha 15 Dezembru.

? Serimónia Graduasaun ba ami nia Estajionáriu Ospitalidade husi injestaun dahuluk ida ne’e.
? Abertura ofisial ba Sentru Arte Sanggar Matan

Iha 2009, ETDA organiza programa Aprendizajen/Estajionáriu hamutuk ho USAID. Programa ida ne’e hanesan ba dahuluk ba Timor-Leste ne’ebe estajionáriu sira hetan pagamentu saláriu fulan-fulan durante fulan 6 hala’o servisu iha setor Turismu no Óspitalidade privadu, no sira nia programa formasaun profisional. Objetivu husi programa ida ne’e mak Dezenvolvimentu Abilidade no Kriasaun Servisu. Ne’e hanesan susesu boot ida. Ami nia alvu ba estajionáriu 90 alkansa iha injestaun rua; iha termu jeral, ETDA treina ona ema 1811 iha 2009 atravezde matéria lubun ida iha ami ia Gia ba Kursu. Ami koloka ona joven 395 iha servisu full time.

Iha 2009, ETDA hahú organiza projetu foun, ho Sanggar Matan. Sanggar Matan hanesan ONG lokal ne’ebe ho baze iha Manatuto ne’ebe hahú servisu ho joven sira iha 2004. Ninia objetivu atu fo oportunidade ba dezenvolve abilidade iha pintura no kombina ho edukasaun iha dezenvolvimentu abilidade negósiu. Ami fokus ba joven sira, dezempregadu iha prazu naruk ne’ebe dezenvolve dadaun sira nia abilidade iha pintura ho sana-rai tradisional husi distritu Manatuto no hasees sira husi konflitu ba estadu auto-dezenvolvimentu. Joven artista 10 mak oras ne’e dadaun iha projetu ida ne’e. Sira nia pintura ho liman, iha produtu serámika ho dezeñu orijinal haruka ba mundu tomak. Projetu ida ne’e fornese rendimentu konstante ba artista sira enkuantu sira aprende kona-ba negósiu no abilidade empreza nian.

Ba konvidadu sira, eventu rua ne’e sei hala’o iha Sentru Formasaun ETDA Bairro Pite.

Pesoal mídia ofisial hotu-hotu hetan konvite ba atende. Favor RSVP ba Aurelia Guterres Babo iha 753 674

PRESS RELEASE
Asosiasaun Jornalista sira no Sindikatu Jornalista, deside ona atu organiza Premiu Anual ba Jornalista 2009 (Annual Journalism Excellence awards 2009) iha, loron Sabadu, 21 Novembru 2009.

Desizaun ne’e foti, hafoin enkontru entre asossiasaun jornalista sira no sindikatu jornalista, Kuarta feira (14/10) iha Dili. Partisipa iha enkontru ne’e, Virgilio Guterres, Presidente Asosiasaun Jurnalista Timor Leste (AJTL), Otelio Ote, Presidente (SJTL) Sindikatu Jurnalista Timor Leste, Suzana Cardoso, Koordenador Geral Timor Leste Photographer Asosiasaun (TiLPA), Prezado Ximenes, Presidente Asosiasaun Radio Komunidade Timor Leste (ARKTL), Julio Gil Guteres, Koordenador Geral Centru Jurnalista Investigasi Timor Leste (CJTL), Jose Ximenes, Direktur Timor Post, Jose Gabriel, Direktur Diario Nasional, Luis Evaristo, Direktur Centru Radio Comunidade (CRC).

Objetivu husi premiu ne’e atu rekuinese no fo valor ba servisu jurnalista Timor-Leste liu husi média oin-oin no sira nia kontribuisaun ba dezemvolvementu nasaun, atu fo korajen ba jurnalista sira hodi bele atinji estandar jurnalismo nebe diak liu, atu buka fundus hodi bele sustenta inisiativa ba dezemvolvementu media iha Timor-Leste.

Kategoria Premiu Jornalista 2009, se fó ba jornalista printing diak liu, elektrónika diak liu, jurnalista feto diak liu, jurnalismu photographer diak liu, Jurnalista husi Radio komunidade diak liu.
Komisaun organizadora sei anunsiu kona-ba kriteria ba notisia no numéru premiu sira, hahú segunda-feira, 19 Outubru 2009.
Premiu ba jornalista tinan ida-ne’e, hala’o badalarua. Tinan 2008, halo ona Primeiru Jornalista badalauluk.
Premiu ba jornalista ne’e nakloke ba jurnalista hotu-hotu iha teritoria tomak. Tamba ne’e jornalista sira ne’ebe mak iha interese atu hola parte iha kompetisaun ne’e data ikus nian atu hatama ita boot sira nia materia mak loron 14 fulan Novembru 2009. Fatin atu hatama ita boot sira nia material iha ICFJ ou edifisiu Timor Post.

Husu ba jornalista sira iha Timor-leste, atu partisipa ativu iha kompetisaun Premiu Jornalista 2009.
Ba informasaun barak liutan, kontaktu nomeru HP +670 724 2944,
+670 7257160, ou ba E-mail azanatl@gmail.com no a.i1108@yahoo.com

Coordenador-2009 Media Awards

Suzana Cardoso

Suzana Cardoso
Koordenadora

B. Matéria kompetisaun
1. Notisia
a) Notisia investigativu no feature Tenki iha lia-fuan 2,500 lia fuan (imprensa); Durasaun maksimum 15 minutus (eletronika)
b) Notisia Straight news; Tenki iha lia-fuan 500 (Imprensa); Durasaun minutu 3 (elektronika)
2. Fotografia
a) Foto notisia (Foto ne’ebé ho nia notisia)
b) Foto ne’ebé la ho notisia (Foto lepas-Indo)
3. Matéria sira publika tiha ona iha media komunikasaun social sira hahu Julhu 2008 to’o loron 14 Novembru 2009.
4. Notisia uza lian Tetum, Portugues, Inglesh no Indonesia
5. Kada partisipante hatama notisia maksimu 2 ho forma notisia diferente.

C. Submisaun
1. Submete notisia no fotografia ba Kompetisaun Premiu Jurnalizmu 2009 hahu loron 20 Outobru to’o loron 14 Novembru 2009.
2. Prenxe formulariu kompitisaun premiu ba jornalizmu annual 2009
3. Submete material sira ba komisaun organizadora liu husi:
a) Sekretaria komisaun organizadora premiu annual jornalizmu 2009 iha Edifisiu Diariu Timor Post Rua Bebora Dili Timor Leste No kontak +670 724-2944
b) Sekretaria International Center For Journalist (ICFJ) Rua Bairro Jacinto Candido Bairro Formosa No Kontaktu +670 725-7160

D. Kategoria Premiu
1. Premiu Roger East ba kualifikasaun jornalista Imprensa (inklui online) di’akliu.
2. Premiu Greg Shackleton ba kualifikasaun jornalista Radio/TV di’akliu
3. Premiu Bernadino Guterres ba kualifikasuan jornalista Radio Komunidade di’akliu
4. Premiu Gill Jollief ba kualifikasaun notisia feto no labarik di’akliu
5. Premiu Agus Mulyawan ba kualifikasuan fotografú di’akliu
6. Premiu Balibo Five ba kualifikasaun jornaista di’akliu tinan 2009

E. Premiu ba manan na’in sira
1. Manan na’in ba kategoria ida-idak, se simu trofi ida no osan US $ 500
2. Ba manan na’in Premiu Balibo Five ka jornalista 2009 di’akliu, simu trofi no osan US $ 1,000.
3. Premiu sei intrega iha loron, 21 Novembru 2009

Atu hetan informasaun klaru, kontatu Suzana Cardoso (7242944, email:azanatl@gmail.com), Antonio Soares (email:antonio@icfj.tl) no Otelio Ote (7524593, email:maunotelio@gmail.com).
Ba imi-nia partisipasaun, obrigadu barak
Dili, 19 Outubru 2009

Suzana Cardoso
Komisaun Organizadora

David Dyer
Director Projecto
USAID-DAI/Dezenvolve Setór Privadu

1. DATA: 18 – 29 Outobru 2009

2. FATIN VIZITASAUN: Dili, Oe-cusse, Baucau, Lospalos

3. PARTISIPANTES: Lia-Na’in, Xefe-suku no Xefe-Aldeia sira
[ total ema nain 21 ]
4. ISTORIA RELASIONAL ESTUDU KOMPARATIVU:

Caritas Australia ( Ajensia Katolika ) ne’e ONG internasional ida husi Australia ne’ebe harí iha fee katóliku. Caritas Australia nia vizaun mak atu fó kontribuisaun hodi dezenvolve komunidade lokal ida ne’ebe sustentavel, laos deit atu hetan auto-sufisiensia no sai ativu maibe fó valor ba Justisa, sadía no dignidade umana. Atu hetan objetivu ida ne’e, Caritas Australia fó importansia servisu hamutuk ho parseiru ONG sira ne’ebe hala’o servisu iha Timor-Leste.

Caritas Australia iha area imporante tollu iha Timor-Leste, ida mak Programa Harí Dame – Prevene Violensia iha Familia no Komunidade. Husi programa Harí Dame iha unidade ida mak hala’o servisu kona-ba Asesu ba Justisa Tradisonal. Unidade ida ne’e fokus liu servisu ho lia-naín tradisional no lider komunitariu sira kona-ba prosesu sistema justisa tradisional ne’ebe uza hadi tesi lia iha komunidade ba kazu ruma ne’ebe akontese.

Timor-Leste hanesan Estadu de Direitu ida, presiza tebes atu fo respeitu no haforsa ba instituisaun judisiáriu, no mos Lei formal ne’ebé vigora iha Timor-Leste, nune’e tradisaun hanesan parte ida mos atu haforsa Estadu Direitu liu husi hakbi’it prosesu tradisionál ne’ebé sei valoriza nafatin norma legál atu nune’e labele viola ema sidadaun hotu nia direitu bainhira buka solusaun ba sira nia problema.

Oportunidade ida ne’e, Caritas Australia servisu hamutuk ho parseiru ONGs Fundasaun Fatu Sinai Oe-cusse (FFSO) no Oanukani Nita Eceremu (ONE) hodi lori lia-nain tradisional sira husi distritu Oe-cusse no Lautem atu halo Estudu Komparativu ba instituisaun no organizasaun legal iha Timor-Leste.

5. OBJECTIVE:

5.1. Objetivu Jeral:

1. Lidera no partisipa Lia-na’in Tradisional, Xefe-sukus, Xefe-Aldeias ( Suku-Nipane/Oecusse no Suku-Mehara/Lautem ) hodi hetan informasaun kona-ba prosesu no mekanismu sistema formal iha instituisaun legal ba atende Justisa iha Timor-Leste.

2. Sei visita NGO feto iha Timor Leste hodi hare sistema servisu hodi atende vitimas sira iha Uma Mahon, no Fatin Hakmatek, ba vitima violensia seksual no violensia domestika hodi define diak liu tan Sistema Justisa Tradisional iha komunidade Timor Leste.

3. Sei vizita NGO ne’ebe halo servisu ba Direitus Umanus, Lei no Justisa no hare sira nia servisu ba atende vitima violasaun no defende ba ema sira ne’ebe kontra/hasoru lei no justisa iha Timor Leste.

4. Sei visita mos instituisaun husi parte governu Timor Leste, hodi hare servisu instituisaun governu ne’ebe servisu iha area justisa, lei no orden no promosaun igualdade ba jeneru.

5. Sei visita mos ba parte instituisaun Judisiariu iha Timor-Leste ne’ebe servisu ba hala’o lei no justisa iha Timor Leste.

6. Lia-nain tradisional sira depois de estudu komparativu bele servisu hamutuk ho organizasaun / instituisaun legal iha sira nia area no dezenvolve mekanismu hodi uza informasaun ba rezolve justu liu problemas/kazus ho Justisa Tradisional.
7. Atu haklean no hametin relasaun entre autores formal no lokal ne’ebe servisu iha setor justisa iha Timor Leste no halo aprosimasaun hamutuk hodi hatan justisa ne’ebe justu iha komunidade ba moris hakmatek no dame.

6. Instituisaun/Fatin ne’ebe Vizita:

1. Distritu Dili: Sekertariu Estadu Promosaun Igualdade/SEPI, Kabinete Presidensial, Akademia Polisia TL, Asosiasaun Hak Asasi dan Keadilan/HAK, Judisiariu Sistim Monitorin Programa/JSMP, Defensor Publiku, Forum Komunikasi Perempuan Timor Lorosae/Fokupers, Rede Feto, Pradet Timor Leste, Provedor Direitus Umanus no Justisa/PDHJ, Parlamentu Nasional Tribunal Rekursu, no Prizaun Becora, Prokurador Jeral, Ministeriu Justisa.

2. Distritu Oe-cusse: Polisia Nasional Timor Leste distritu oe-cusse, Tribunal Rejional Oe-cusse, Forum Peduli Wanita Oe-cusse/FPWO, Centru Feto Enklave Oe-cusse/CFEO no Fundasaun Fatu Sina Oe-cusse/FFSO.

3. Distritu Lautem no Baucau : (Polisia Nasional Timor Leste distritu Lautem, Tribunal Distritu Baucau, Prokurador Distritu Baucau, Baucau Buka Hatene/BBH no ECM Baucau.
Ema ne’ebe Kontaktu

_________________________ _________________________
Gil Pinto Ermenegildo da Silva
Project Officer Acting Team Leader
Mobile: 726 1584 Mobile: 737 2718
Email:gilp@caritas.minihub.org Email:hermenegildos@caritas.minihub.org

_____________
Fernando Pires
Koordenador Programa
Mobile: 724 7103
E-mail: fernandop@caritas.minihub.org

Relasiona ho Konferensia UNFCCC nee, ami hanoin importante atu governu Timor-Leste fahe hanoin ho sosiedade sivil no ba publiku, kona ba Timor-Leste nia pozisaun nebe sei lori ba Konferensia nee no mos rona ideas husi ema hotu nebe interese ba asuntu nee.

Nudar membru sosiedade sivil nian nebe halibur-an iha Grupu Servisu ba Mudansa Klimatika, ami preokupa tebes ho mudansa iklima nebe fo impaktu ba povu Timor Leste no povu iha nasaun seluk sira nia moris. Tan ne’e Grupu Servisu ba Mudansa Klimatika nian foti inisiativa hodi organiza Enkontru Publiku ho topiku Timor-Leste nia Partisipasaun iha Aksaun Global hasoru Mudansa Klimatika.

Narador sira mak hanesan:
Senhor João Gonçalves Ministru ba Ekonomia no Desenvolvimentu;
Senhor Expedito Belo Programme Officer ba Unidade Redusaun Pobreza no Meio Ambiente husi UNDP Timor Leste
Maximus Tahu husi Lao Hamutuk.

In December 2009, the UNFCCC (United Nation Framework Convention on Climate Change) Conference will be held in Copenhagen with participation from every nation. This conference will decide a new mechanism to replace the Kyoto Protocal which so far has regulated global actions to deal with climate change.

In regard to this UNFCCC conference, we think it is important for the Government of Timor-Leste to exchange views with civil society and the public about the positoin Timor-Leste will bring to the conference, and to hear ideas from everyone interested in this issue.

Members of civil society have formed the Working Group on Climate Change (Grupu Servisu ba Mudansa Klimatika), we are very worried that changes in the climate will impact on the people of Timor Leste and other countries’ lives. Therefore, the Working Group on Climate Change has taken the initiative to organize a public meeting on the topic:

Timor-Leste’s Participation in Global Actions to Address Climate Change

Komunikadu ba Imprensa

21 Setembru 2009
Vizita ba Asembleia Jeral Nasoens Unidas nian

Ministru Negosius Estranjeirus Timor-Leste Dr. Zacarias Albano da Costa oras ne’e iha Nova Yorque atu tuir sorumutuk ba da-64 Asembleia Jeral Nasoens Unidas nian

Dr Zacarias da Costa sei koalia iha Asembleia Jeral iha loron 28 Setembru 2009.

Dr da Costa dehan katak : “Asembleia tinan ida ne’e nian sei konsentra-an ba dezafiu hirak Importante ne’ebé mak mundu oras ne’e enfrenta hanesan : mudansa klimátika, krize ekonomika global, naun proliferasaun nuklear no dezarmamentu no Objektivu Dezenvolvimentu Millennium nian sira. Importante mak atu hola parte aktiva iha ne’e hodi bele partisipa iha prosesu atu estabelese padraun hirak konabá kestaun hirak ne’e.”

Iha loron 16 Setembru 2009, Timor-Leste sai Governu ida ikus liu mak ofisialmente hatur meiu hirak atu hetan asesu ba iha tratadu konabá proteksaun kamada Ozónika, hodi halo Konvensaun Viena nian konabá Proteksaun Zona Ozonika no Protokolu Montereal konabá substansia hirak hamihis Kamada Ozonika nu’udar akordu ida ne’ebé mak halibur ema barak liu iha historia Nasoens Unidas nian ne’ebé mak hamutuk hetan Estadu partisipante nain 196.” Ita mós hakarak hola parte ida aktiva liu iha debate hirak konaba mudansa klimatika no kontribui iha prosesu atu hadia fali kestaun ida dezafiante tebes ne’e” Dr Zacarias da Costa dehan

Konabá naun-proliferasaun no dezarmamentu Dr Da Costa apoia tarefa hirak iha area ida ne’e no “maski Timor-Leste ne’e País ida ki’ik, maibé ita mós hakarak atu hola parte aktiva iha diskusaun no buka atu servisu hamutuk ho komunidade internasional hodi hametin naun-proliferasaun global no halo sai efektivu liu tan dezarmamentu”.

Ministru Negosius Estanjeirus mós sei hola parte Iha Meja Kabuar entre Ministru sira, hamutuk ho Ministru Negosius Estranjeirus Australia, Holanda no Ruanda, atu diskute konabá aspektu Responsabilidade prinsipiu Proteksaun nian (R2P).

Durante ninia estadia iha Nova Yorque, Dr Zacarias Albano da Costa sei hetan oportunidade atu hasoru malun ho ministru negosiu estranjeirus hirak seluk no sei hala’o sorumutk bilateral.

Buat ida tan “Hau mós hakarak hala’o Enkontru Trilateral Ida ho Ministru Negosius Estranjeirus Australia nian Stephen Smith no Ministru Negosius Estranjeirus Indonesia nian Wirajuda atu diskuti konaba kestaun rejional ne’ebé ho Interese komun entre Australia, Timor Leste no Indonesia.”

Ba Informasaun seluk tan favor kontakta ho:
Maria-Gabriela Carrascalao H
Assessora Servisu Imprensa nian
Ministeriu Negosius Estranjeirus

Tel: +61- 417 050 754

Email: maria.heard@mne.gov.tl or
mgabrielacarrascalaoh@gmail.com