TimorToday.com » News

Lider Komunitaria Oe-Cusse tuir treinamentu Mediasaun

timortoday — Thu, 16 Jun 2011 06:38:01 +0000

Download

Deputadu Mateus Kestiona Formasaun Professores Baisarelatu la hetan Subsidiu

timortoday — Mon, 04 Apr 2011 23:28:39 +0000

Download

Dala ida tan Kazu soe Bebe nurak doko sidade Dili

timortoday — Mon, 24 Jan 2011 00:29:39 +0000

Kompetisaun Kultura iha Sub-Distritu Laga/Culture competition in Laga Sub-District

timortoday — Fri, 03 Dec 2010 11:22:39 +0000

Presidenti da Republikafo posse ba embaixadora Foun RDTL ba Xina

timortoday — Fri, 03 Dec 2010 09:48:38 +0000

Download

Afrika Carribean no Pasifik (ACP) komesa servisu migrasaun iha Timor-Leste/Africa Carribean and Pacific (ACP) begin imigration works in Timor-Leste

timortoday — Tue, 30 Nov 2010 08:28:09 +0000

Lei Camara Municipiu Sei Pendente Hela Iha Parlamentu Nasional

timortoday — Wed, 21 Apr 2010 08:26:12 +0000

Sentru Votasaun Aitea Hala’o Votasaun Iha Tuku Walu

timortoday — Fri, 09 Oct 2009 09:20:25 +0000

Jornalista Radio Komunidade Iliwai Alzira Ximenes
husi Manatuto fó reportajen katak iha Sentru votasaun Suku Aitea Distritu Manatuto eleisaun ba lider komuintariu hala’o iha tuku 08 : 08:00 Otl, tamba razaun fiskalizador no observadores to’o iha sentru votasaun tarde liu.
Ho situasaun ne’ebé akontese ne’e, votantes halo protesta hasoru brigada sira. Maibé la rezulta aksaun ruma iha sentru votasaun.
Durante prosesu eleisaun ne’e la’o durante horas balun, kuaze iha tuku 10:00 liu votante sira hadau malu fatin no dudu malu tama to’o iha liña forma nian maibé seguransa la halo atuasaun tamba polisia ida deit mak halo seguransa no laiha apoiu seguransa husi UNPOL.
Suku Aitea distansia ¬± 200 m, husi Kapital Distritu Manatuto. Iha suku Aitea iha pakote rua, mesak mane hotu deit.
Iha parte sorin Jornalista Radio Komunidade Povu Viqueque Angelina Alves informa katak, iha Suku Carau Balu iha sentru votasaun rua (A no B) ne’ebé lokaliza iha eskola Cabira-Oan suku Caraubalu, Subdistritu Viqueque Distritu Viqueque, loke iha tuku 07:00 Otl.
Komunidade iha suku ne’ebá antusiaismu maka’as hodi partisipa iha festa demokrasia ida ne’e.
Eleisaun lider komunitariu iha sentru votasaun ne’e la’o ho diak no hetan seguransa husi PNTL no UNPOL.
Maibé iha suku Waitame, Sub distritu Watucarbau mosu problema iha sentru votasaun tamba pakote rua iha konfuzaun ba sira nian lista pakote, tamba pakote primeiru nia naran mosu fali iha pakote segundu no pakote segundu nia naran mosu fali iha pakote primeiru.
Tamba ne’e kandidatu sira halo protesta no atu empata tiha votasaun. Maibé ikus mai Komandante Polisia Distritu Viqueque rasik tun ba iha sentru votasaun hodi atua situasaun no loke votasaun hodi nune’e situasaun lao normal fali.
Husi sorin seluk Reportajen Jornalista Faustino Guterres husi Sentru Votasaun SDN I Filial SDK Suku Bahú informa katak, eleisaun iha sentru votasaun ne’e hala’o iha tuku 07:00 Otl tuir horariu ne’ebé estabelesidu.
Iha sentru votasaun ne’e iha votantes ema kuaze rihun rua mak la tuir votasaun tamba problema dokumentus, balun laiha kartaun eleitoral, balun kartaun eleitoral tuan no seidauk troka, balun kartaun eleitoral husi Suku seluk maibé hakarak atu fó sira nian iha votu iha Suku Bahú. Tamba ne’e obrigadu brigada sira kansela no latuir votasaun.
Alende ne’e, iha votantes balun mós halo protesta hasoru brigada sira nian servisu ne’ebé atraza liu ou neneik liu cek lista votantes nune’e votantes tenke dudu malu tama to’o iha meja brigada nian.

Kansela Votantes Balun

timortoday — Fri, 09 Oct 2009 09:16:27 +0000

Husi sorin seluk iha prosesu eleisaun ne’e brigada sira obrigadu kansela votantes balun tamba kartaun eleitoral ne’ebé mak la’o husi Suku Tequinomata nian, maibé husi suku seluk ne’ebé mak hela iha fatin ne’ebá atu fó mós sira nian votus.
Hatan ba kestaun brigade Patricio Gaspar rekõnese nu’udar fallansu STAE nian durante iha prosesu edukasaun sívika. Tamba durante ne’e STAE fahe deit informasaun liu husi stiker, maibé laiha edukasaun sívika ba Mosu Konflitu Besik Sentru Votasaun Samaguia
Iha Suku Tequinomata mosu aksaun konflitu ki’ik iha Kinta Feira kalan besik sentru votasaun Aldeia Samaguia. Distansia akontesimentu ne’e kuaze 100 metrus husi sentru votasaun.
Akontesimentu ne’e akontese kuaze iha tuku 19:45 Otl, tamba haksesuk malu konaba kandidatus pakote tuan no foun ne’ebé konkore iha eleisaun.
Informasaun husi votantes balun ne’ebé lakohi publika nia naran hateten katak iha akontesimentu ne’e votante nu’udar mós membru lista pakote foun nian hetan baku no tuku maibé la iha kanek ne’ebé sériu. Alende ne’e polisia mós konsege tiru gas lagrimojéniu no kona iha katuas ida nia matan.
Husi parte sorin brigada Patricio Gaspar Ximenes Sesta-Feira ne’e informa katak, aksaun ne’e motivu husi problema privadu ne’ebé mosu laiha relasaun ho eleisaun lider komunitariu maibé nu’udar brigada preokupadu tamba aksaun ne’e mosu besik liu sentru votasaun.
Patricio Gaspar hatutan katak, husi akontesimentu ne’e Polisia hola kedas medidas atuasaun iha kalan ne’e kedas hodi normaliza situasaun.
Alende ne’e nia parte mós informa ona problema ne’e ba iha STAE Distritu Baucau.
Nia parte mós preokupa tamba material sensitivu to’o iha sentru votasaun iha tuku 14:00 Otl, no tenke hatama iha fatin seguru, maibé tamba deit laiha xafe odamatan nian entaun material sensitivu tenke rai liur to’o hein xave husi Sefi Suku ne’ebé mai husi seremonia seluk no o’o tuku 19:00 Otl.
Prosesu eleisaun iha sentru votasaun Samaguia loke iha tuku 07:00 Otl, tuir horariu ne’ebé marka tiha ona. Maske votantes barak mai iha tuku 06:00 Otl.
Votantes iha Suku Tequinomata hamutuk 1083 mai husi Aldeia hat, Samaguia, Itidao, Caicasalari no Bulubai.
Iha fatin hanesan Ajente Polisia Sub Distritu Laga, Inspektur Tomas Ximenes esplika katak, aksaun ki’ik ne’e mosu pelo menos iha tuku 22:00 Otl, maibé iha kalan ne’e kedas problema ne’e rezolvidu.
Tomas Ximenes deklara, Polisia kontinua mantein seguransa atu prosesu eleisaun bele la’o ho susesu.
Nune’e Tomas Ximenes informa katak, maske mosu aksaun ki’ik ida maibé laiha tan aumenta pesonolia polisia atu halo seguransa iha fatin ne’ebá tamba la’os kategoria área risku ba konflitu.
“Tamba ne’e ami iha Polisia nain rua, UNPOL rua. Ami na’in hat ne’e bele garante seguransa”,hateten Tomas Ximenes.
Entre esplikasaun husi Polisia iha sentru votasaun diferensa ho realidade. Tamba tuir Jornalista nia haree iha terenu, depois kalan akontesimentu ne’e, iha dadersan antes hala’o eleisaun, PNTL hetan kedas apoiu seguransa no UNPOL kuaze iha ema na’in lima no PNTL kareta isin ida mak hala’o seguransa no patrrulla iha fatin ne’ebá.
votantes oinsa atu vota, iha ne’ebé sira tenke vota no tamba sa sira tenke vota.

Mosu Konflitu Besik Sentru Votasaun Samaguia

timortoday — Fri, 09 Oct 2009 09:09:00 +0000

Iha Suku Tequinomata mosu aksaun konflitu ki’ik iha Kinta Feira kalan besik sentru votasaun Aldeia Samaguia. Distansia akontesimentu ne’e kuaze 100 metrus husi sentru votasaun.
Akontesimentu ne’e akontese kuaze iha tuku 19:45 Otl, tamba haksesuk malu konaba kandidatus pakote tuan no foun ne’ebé konkore iha eleisaun.
Informasaun husi votantes balun ne’ebé lakohi publika nia naran hateten katak iha akontesimentu ne’e votante nu’udar mós membru lista pakote foun nian hetan baku no tuku maibé la iha kanek ne’ebé sériu. Alende ne’e polisia mós konsege tiru gas lagrimojéniu no kona iha katuas ida nia matan.
Husi parte sorin brigada Patricio Gaspar Ximenes Sesta-Feira ne’e informa katak, aksaun ne’e motivu husi problema privadu ne’ebé mosu laiha relasaun ho eleisaun lider komunitariu maibé nu’udar brigada preokupadu tamba aksaun ne’e mosu besik liu sentru votasaun.
Patricio Gaspar hatutan katak, husi akontesimentu ne’e Polisia hola kedas medidas atuasaun iha kalan ne’e kedas hodi normaliza situasaun.
Alende ne’e nia parte mós informa ona problema ne’e ba iha STAE Distritu Baucau.
Nia parte mós preokupa tamba material sensitivu to’o iha sentru votasaun iha tuku 14:00 Otl, no tenke hatama iha fatin seguru, maibé tamba deit laiha xafe odamatan nian entaun material sensitivu tenke rai liur to’o hein xave husi Sefi Suku ne’ebé mai husi seremonia seluk no o’o tuku 19:00 Otl.
Prosesu eleisaun iha sentru votasaun Samaguia loke iha tuku 07:00 Otl, tuir horariu ne’ebé marka tiha ona. Maske votantes barak mai iha tuku 06:00 Otl.
Votantes iha Suku Tequinomata hamutuk 1083 mai husi Aldeia hat, Samaguia, Itidao, Caicasalari no Bulubai.
Iha fatin hanesan Ajente Polisia Sub Distritu Laga, Inspektur Tomas Ximenes esplika katak, aksaun ki’ik ne’e mosu pelo menos iha tuku 22:00 Otl, maibé iha kalan ne’e kedas problema ne’e rezolvidu.
Tomas Ximenes deklara, Polisia kontinua mantein seguransa atu prosesu eleisaun bele la’o ho susesu.
Nune’e Tomas Ximenes informa katak, maske mosu aksaun ki’ik ida maibé laiha tan aumenta pesonolia polisia atu halo seguransa iha fatin ne’ebá tamba la’os kategoria área risku ba konflitu.
“Tamba ne’e ami iha Polisia nain rua, UNPOL rua. Ami na’in hat ne’e bele garante seguransa”,hateten Tomas Ximenes.
Entre esplikasaun husi Polisia iha sentru votasaun diferensa ho realidade. Tamba tuir Jornalista nia haree iha terenu, depois kalan akontesimentu ne’e, iha dadersan antes hala’o eleisaun, PNTL hetan kedas apoiu seguransa no UNPOL kuaze iha ema na’in lima no PNTL kareta isin ida mak hala’o seguransa no patrrulla iha fatin ne’ebá

Material Sensitivu Hatama Tarde Iha Sede Suku

timortoday — Fri, 09 Oct 2009 09:04:48 +0000

Iha sentru votasaun Samaguia Suku Tequinomata material sensitivu hatama iha fatin seguru ka hatama sede Suku iha tuku 19:00 Otl, tamba odamatan sede suku nian xafe metin. I xafe sede suku nian iha Xefi Suku nia liman no lori sai tiha.
Material sensitivu to’o iha sentru votasaun iha tuku 14:00 Otl, kontinua hetan seguransa máximu husi PNTL no UNPOL inklui brigada sira.
Ho prosesu hatama tarde iha sala sede suku nian tamba ne’e brigaditas hamutuk parte seguransa tenke hein kuaze horas Neen nia laran.
Ajente Polisia Sub Distritu Laga, Inspektur Tomas Ximenes ne’ebé mak simu kna’ar hala’o seguransa iha sentru votasaun ne’e informa ba Jornal Nacional Diário hateten katak, situasaun ida ne’e akontese tamba falla STAE nian tamba la fó informasaun antes ba Xefi Suku Tequinomata konaba material sensitive ne’ebé tenke to’o iha sentru votasaun, sede suku Tequinomata iha tuku 14:00 ou liu husi oras ne’e.
Tamba ne’e Tomas Ximenes hatutan Xefi Suku la preparadu no sai tiha ba partisipa iha programa seluk.
“Tuir Xefi nia informasaun mai ami katak, husi STAE mak fó informasaun ba nia katak material sensitivu sira ne’e tenke to’o iha sentru votasaun iha sede Suku Tequinomata iha tuku 14:00 Otl, loraik, ne’ebé ha’u fallansu ne’e la’os husi Xefi Suku mas husi STAE”,dehan Tomas Ximenes.
Tuir Tomas Ximenes, maske material sira hatama tarde maibé la iha akontesimentu ruma ba material sensitivu sira ne’e.

Votantes Protesta STAE

timortoday — Fri, 09 Oct 2009 09:02:24 +0000

Tama tuku 12 OTL votasaun lideransa komunitaria iha Oecusse Sesta (9/10) sei lao normal maske iha failansu oituan kona kartaun votantes no naran barak mak hanesan. Alem de ne’e polling staf nebe mak cek votante sira nia naran ne’e mos kleur liu tamba nain ida deit tammba ne’e votantes barak mak protesta STAE

Iha suku Costa aldeia Sanane centru votasaun, votantes la satisfas ho prosesu eleisaun nebe cek naran kartaun eleitoral kleur liu, nee duni husu ba STAE ho CNE ba futuru tau pakote tenki tau ema nain 5 ka 6 maka cek naran liu husi abzad para la bele habai ema barak iha loron manas.
Hateten gregorio quebo husi bairo Masin aldeia Sanane suco Costa iha centro votasaun suco Costa katak, mekanizmo nebe STAE kria agora nee bele impata ema barak la tuir votasaun tamba halo ema terus iha loron manas.
Iha fatin henesan haktuir Lucia Taela husi bairo Palaban suco costa katak ba futuru STAE tenki fo edukasaun civica ba povu antes tuir vota, porizemplu agora akontese iha nee, ema hela nanis ona husi iha suco Costa maibe tamba deit ema nee moris iha Suco Abani Pasabe, entaun nia la iha direitu atu vota, ida nee halo kole deit ema atu mai iha centro votasaun tamba la hatene informasaun husi STAE.
Florindo da Conceiao informa iha fatin hanesan katak, maneira nebeke brigade kria nee, halo mate ema iha fatin tamba habai an deit iha loron manas, inklui mos balu la bele tuir votasaun tamba ema cek carta tarde liu dala ruma atu cek ema ida deit nia naran bele lori menutus 3 to’o menutus 4, pior liu tan komunidade nadodon mai barak liu tan, nee duni ba oin tenki hadia sistema ida nee atu ema hotu-hotu la bele latan susar bain hira fo sira nia votu atu hili sira nia nai ulun lokais.
Nune mos iha suku Lalisuk sub distritu Pante Makasar iha eleitor José Bata nebe mak nia eleitor José Bata nia kartaun eleitoral sala tamba ne’e mak Polisia la fo nia atu ba halo votasaun tamba foto nebe mak iha kartaqun rejistu ne’e lahanesan.
Iha sub distritu Oesilo Centro votasaun Sáber iha votantes nain rua mak nia kartaun eleitoral hanesan tamba ne’e brigade tahan tiha ida.
Alem de ne’e iha suku Lifau iha votantes nain hat mak la vota tamba nia kartaun eleitoral la partense ba suku Lifau nain rua husi suku Noke no nain rua fali husi suku Tako.
“Ami lakohi ba vota iha ami nia suku tamba dook los,” katak Filomena Neno husi Noke suku Naimeko nian.
Iha Centru votasaun Bobmete sub distritu Oesilio votasaun sei lao normal nafatin to’o tuku 12.00 meudia. Maske inan isin rua, no balu ho labarik kiik oan maibe sira hamriik nafatin tuir linha nebe mak brigade sira prepara tiha ona.
Alem de ne’e husi Coibaco jornalista Radio Atoni Lifau, Pejer hato’o katak kuaze votante 500 resin mak tuir linha
“Iha ne’e hetan defikuldade mak vota tenki tuir abjad tamba ne’e balun nebe mak mai uluk labele vota,” tenik Brigada Sebastião Sana.

Eleisaun LK Iha Oecusse Lao Normal

timortoday — Fri, 09 Oct 2009 08:58:19 +0000

Eleisaun Lideransa komunitaria Sesta (9/10) nebe halao iha distritu Oecusse sub distritu Pante Makasar lao normal maske iha faliansu balun maybe konsege resolve ho diak.
Iha sentru votasaun suku Lalisuk sub distrtu Pante Makasar lao normal maybe votante Maria Gogo la konsge vota tamba nia kartaun eleitora husi suku Bobmeto
Votantes nebe mak vota iha suku refere hamutuk. 1633 nebe mak lao ho diak.
Iha parte seluk sentru votasaun suku Costa (Masin) sub distritu Pante Makasar lao ho normal mos maybe problema oituan mak staf STAE nebe mak la uja farda hodi ba hamrik uluk iha linha nebe mak populasaun sira linha husi tuku 7.00 tambe ne’e sira protesta maybe husi parte STAE esplika no konsege hamosu problema maybe Polisia Nasional Timor Leste konsege resolve.
Tuir komunidade Masin, José da Cunha hateten, ti orgulhu ho eleisaun ne’e maybe husu para atu labele akontese tan failansu nebe mak akontese ona ona.
“Hau husu para atu lalika iha tan failansu nebe mak agora dadauk akontese tan ne’e atu bele Timor Leste bele lao ba oin,” katak José.
Maybe staf STAE Maria Emelia Corbafo hateten, votantes nebe mak hamriik uluk iha linha ne’e staf STAE duni komu nia hatais farda.
Alem de ne’e husi centru votasaun Mahata suku Costa mos votasaun lao normal komesa husi tuku 7.00.
Nune mos husi sentru votasaun Suku Cunha sub distritu Pante Makasar nebe mak halibur aldeia hat mos eleisaun lao normal maybe iha livrus bulletin mak problema oituan tamba livrus bulletin nebe ho nia pajina 50 husi 1.511ne’e iha bulletin ida deit mak pajina 11 deit.
Tuir brigade Julia de A Conceincão katak, problema nebe mak mosu sei hato’o ba STAE kona ba bulletin de eleitores.
Nune mos votantes Francisco da Cruz tinan 63 dehan, maske nia adultu maybe nia kontenti ho eleisaun nebe mak lao dadauk ne’e tamba bele dezenvolve Timor Leste.
Nune mos iha Suku Lifau, sub distritu Pante Makasar mos lao normal so que iha problema oituan tamba ema nebe rejistu eleitores atu vota ne’e nain ida deit tamba ne’e tuir sira nia hare to’o tuku 3 loraik sei labele hotu tamba votantes kuaze 1280 resin.
Nune mos iha sentru votasaun suku Bobometo sub distritu Oesilo mos votasaun lao hakmatek tuir regra nebe mak iha maybe dala ruma sei la remata tuku tolu tamba votantes barak los. Jojo

POVU SUAI HAHU HILI SIRA NIA LIDERANSA LOKAL

timortoday — Fri, 09 Oct 2009 08:52:20 +0000

Suai Covalima, 09/10/09
Sebastiao “Avan” Pedro

POVU SUAI HAHU HILI SIRA NIA LIDERANSA LOKAL
Komesa ohin tuku 08 dader populasaun barak mak hahu lao ba fatin votasaun i barak mos forma tiha ona iha sentru votasaun hanesan Suco Matai, Sub Distritu Maucatar ho sentru votasaun (TPS-red) SD Matai. Hanesan informasaun liu 07/10 katak iha Suco ne’ebe refere konsege mosu problema ne’ebe kandidatu Rua (Zeferinho ho Vicente) hetan numeru hanesan maibe ida hanesan failansu ki’ik. “Buat ne’e akontese tanba durante ne’e laiha edukasaun votantes ne’ebe difikulta katuas no ferik sira,” tenik kandidatu Vicente.
Vicente mensiona katak, antes tama ba tempo kampana nia konsege tenta brigade sira bad ala uluk konaba numeru ne’ebe refere I brigade sira hatete katak nia hetan numeru 03. “Maibe agora hau hetan fali n umeru 02 maibe ida laiha problema”, Vicente hatete. Konaba nia nudar kandidatura iha eleisaun ne’e Vicente realsa katak manan lakon laiha problema. “Hau pronto atu manan ka laokn ida ne’e normal tanba hau nia inisiativa atu dezenvolve.
Total votantes iha Suco Matai tuir informasaun ne’ebe jornalista sira simu hamutuk 1744 votantes ne’ebe namkari iha aldeia Hat hanesan Kunain, Kiar, Lohorai no Matai. Pakoti iha Suco ne’e hamutuk pakoti Tolu hanesan Zeferinho, Vicente no Julio.
Bainhira jornalista sira koko sai husi Suco Matai hodi ba sentru votasaun seluk, iha dalan ibun besik sentru votasan SD Matai ema barak hamrik nakonu iha dalan maibe laos atu ba sentru votasaun ema sira ne’e akompana hela propblema entre jovennain ne’ebe mosu tanba joven nain rua ida hori kalan konsumi alkohol no halo barullu iha area ne’ebe refere.
Akompana tiha oitoan konflitu ki’ik oan ne’e jornalisata sira kontinua ba fali Suco Debos, Sub Distritu Suai Vila ho sentru votasaun iha SD K Debos. Iha sentru votasaun ne’e tuir monitorizasaun katak, komunidade sira nia partisipasaun boot tebes i la-iha problema ida mak akontese sentru votasaun. Votantes iha Suco debos mai husi aldeia Sia hanesan Lakonak Babu, Lakonak Besik, Lpntale, Busukuku, Asurai, Asumate nu’u laran, Ahinare, Cendana no tabaco Lot. Mezmu suco ne’e ho aldeia Sia maibe pakoti iha eleisaun ne’e Tolu deit hanesan Agostinho, Celestinho no Zacarias.
Iha fali sentru votasaun SD Lakonak, situasaun lao normal, i sira ne’ebe mak distansia hela fatin do’ok husi sentru ne’ebe refere too oras ne’e sei lao nafatin tuir dalan-dalan. Maibe iha sentru votasaun nia oin konsege mosu asidente soke ida entre motorizada Leo ho votantes katus ida naran Luis. Iha asidente ne’e, Polisia sira dereitamente lori Luis ba hospital

Povu Covalima iha Entuziasmu Tuir Eleisaun Lideransa Komunitaria

timortoday — Fri, 09 Oct 2009 08:48:06 +0000

Populasaun sira iha distritu Covalima liuliu iha sub distritu Suai no Maukatar, iha duni hanoin atu hodi hili sira nia lider suku nian. Entuziamu populasaun ne’e hatudu iha eleisaun horisehik. Molok eleisaun ne’e hahu, populasaun barak mak ba hein komesa iha tuku 5 dadersan iha sentru votasaun ne’ebe iha sira nia Suco laran , to’o agora sira sei prepara an nafatin hodi forma iha riska laran.
Tuir reportajen jornalista Julio Soares iha Suai Distritu Covalima katak populasaun barak mak kontente hodi fo sira nia konfiansa ba tuir eleisaun lideransa komunitaria iha sira nia Suco ida-idak, hanesan mos iha Suco Suai Loro, Camenasa, Labarai, Debos, Sub-Distritu Suai inklui mos Suco Oques, Matai, Sub-Distritu Maucatar iha populasaun barak mak fo sira nia kontribuisaun ba sira nia kandidatus foun iha sira nia Suco rasik.
Ne’ebe tuir orario ne’ebe Stae hateten katak eleisaun ne’e hahu, ou komunidade sira atu ba vota tenke hahu hosi tuku 7.00-3.00 mak foin remata.
Tuir observasaun jornalista nian mos hare iha Suco Suai Loro hetan failansu uituan ba ema nain 7 ne’ebe mak kawen silan hela iha Suco refere iha kartaun eleitoral atu ba vota, maibe brigade Stae, no polisia sira konsege resolve hodi haruka sira nain 7 ne’e ba tuir vota tanba sira nain 7 ne’e hela iha Suco Suai Loro kleur ona.
Nune’e mos komesa eleisaun ne’e hahu hosi tuku 7.00 to’o oras ne’e lao ho diak tanba hetan seguransa hosi polisia nasional timor leste no Unpol kada sentru votasaun ida iha PNTL nain 2-4 no Unpol.

Eleisaun LK iha Ermera Eleitor Balu Lakon Direitu Votu Tanba “Tama Sala” Suku Seluk

timortoday — Fri, 09 Oct 2009 08:42:48 +0000

GLENO – Eleisaun lideransa komunitaria nebe hala’o iha 9 Outubru ne’e hamosu impresaun katak votante sira falta informasaun oinsa atu preve nia direitu vota. Eleitor balu “tama sala” suku seluk no lakon direitu vota.
Hanesan akontese iha suku Riheu no Fatukeru sub distritu Ermera Vila. Iha suku Riheu, tuir reportajen jornalista ekipa kobertura konjunta katak iha votante ida husi suku ida iha distritu Lautem nian no mos Augosto Martins husi Suku Aufu (Letefoho), Adriano Soares no Monica Lemos husi Suku Estado, Francisco de Araujo husi Suku Lauala no ida seluk husi Bairo Pite, Dili la hetan autorizasaun vota tanba la’os partense ba suku Riheu nian. Nune’e mos iha suku Fatukeru, eleitor nain rua husi Suku Poetete, Talimoro nain ida, Ponilala nain ida no Fatubesi ida labele vota. Nain ida identifika iha suku Talimoro nebe labele vota.
Situasaun jeral durante votasaun iha suku hirak ne’e la’o normal laiha perturbasaun no hetan seguransa husi elementu Polisia Nasional Timor Leste (PNTL)
Iha Suku Talimoro, eleisaun halao iha sede suku ho total eleitor hamutuk 1341. Iha suku ne’e monta sentru votasaun ida no estasaun votu nian rua. Estasaun A iha eleitor 489 no estasaun B iha eleitor 852. Poling staf iha 10 no brigada 2. Estasaun A iha poling staf 5 no brigade 1. Estasaun B iha poling staf 5 no brigade 1.
Kandidatu ba Xefe Suku Talimoro iha pakote tolu maka Felisberta de Jesus, Luis dos Santos no Martinho Soares Martins.
Iha Suku Riheu, Gleno eleisaun halao iha sede suku ho total eleitor hamutuk 1309. Sentru votasaun iha ida no estasaun votu iha 2. Estasaun A iha 659 no estasaun B iha eleitor 650. Iha suku ne’e prezensa observador nain 2 husi OIPAS Dioseze Dili.
Kandidatu ba Xefe Suku iha pakote tolu. Kandidatu sira nee maka Arcanjo Maia, Domingos dos Santos no Ildefonso das Neves P. Soares. Laiha fiskais husi kandidatu sira.
Iha suku Lauala, eleisaun halao iha Kolejiu LAR DO BOM SAMARITANO ho total eleitor hamutuk 1098 no estasaun votu nian ida. Iha suku ne’e mos prezensa observador nain 3 husi OIPAS Dioseze Dili.
Kandidatu ba Xefe Suku Lauala iha pakote 3. Kandidatu sira nee maka Bendito de Araujo Soares Martins, Cipriano Salsinha no José Xavier Amaral. Populasaun sira antusiazmu tuir eleisaun maske loron manas. Sira ba vota ho forma nebe rapidu tebes.
Iha perturbasaun ki’ik akontese iha suku Lauala ne’e tanba iha populasaun balun maka hafuhu fali nia maluk sira ba vota iha fatin segredu tamba fatin votu nee besik iha janela. Maibe, la kleur deit poling staf sira haruka ema hirak nee husi janela.
Iha suku Fatukeru, Subdistritu Railaco eleisaun halao iha eskola Primaria Fatuquero ho total eleitor hamutuk 781 no estasaun de votu ida. Populasaun sira antusiazmu tuir eleisaun maske loron manas. Sira ba vota ho forma nebe rapidu tebes.
-Eleisaun iha suku refere remata sedu tamba eleitor ladun barak. Eleisaun nee remata iha tuku 12:15. Maske nunee, poling staf sira hein too tuku 15:00 maka halao kontazen de votu tamba bazeia ba orariu.(Ekipa Kobertura Konjunta)

Falta Informasaun, Votante Balu La Hetan Autorizasaun Vota

timortoday — Fri, 09 Oct 2009 08:40:15 +0000

DILI – Fallansu balu mosu iha loron votasaun eleisaun lideransa komunitaria 9 Outubru iha capital Dili nebe votante sira balu halo tanba falta informasaun.
Iha sentru votasaun EP No.5 Manleuana, Xefe Aldeia Manleuana Leonito Guterres informa katak partisipasaun eleitor sira iha aldeia ne’e minimu tebes tanba falta informasaun husi STAE kona-ba eleisaun ne’e.
Iha suku Vila Verde, sentru votasaun EP No. 9, tuir reportajen jornalista Francisco Luis, mosu votante ho kartaun eleitoral suku Kolmera nian hakarak tuir votasaun iha Vila Verde ne’e tanba hanoin katak eleisaun lideransa komunitaria ne’e hanesan deit ho eleisaun jeral parlamentar no presidensial. Ida ne’e akontese mos iha sentru votasaun ES Finantil, Aimutin, Komoro. Eleitor husi suku seluk hakarak vota maibe rejeita husi polling staf sira. Sira nebe ho kartaun eleitoral suku seluk ne’e la konsege vota hafoin hetan rejeita no esplikasaun husi brigade STAE sira iha sentru votasaun refere.
Iha sentru votasaun refere mos mosu votante ho kartaun eleitoral tuan nebe brigade sira la autoriza tuir vota. Kazu hanesan akontese iha suku Kampung Alor nebe iha votante nain haat, feto rua mane rua la hetan autorizasaun tanba kartaun eleitoral tuan. Balu fali laiha naran iha lista eleitor maibe bele vota tanba iha kartaun eleitoral foun. Iha mos eleitor ida mak lori deit fotokopia kartaun eleitoral no la hetan autorizasaun vota.
Iha votante ida iha sentru votasaun Vila Verde ne’e uza deit lapizera mak marka kartaun votu maski iha ona pregu atu tuu. Hafoin sai tiha mai liur, votante ne’e fila fali ba hatete brigada sira katak nia la tuu kartaun votu maibe fo vistu deit no husu atu vota fali maibe la konsege tanba la hatan husi polling staf sira.
Nune’e mos iha sentru votasaun Manumeta Raihun suku Vila Verde, populasaun nebe iha direitu vota labele tuir votasaun tanba laiha kartaun eleitoral. Lideransa komunitaria iha fatin ne’e informa ba jornalista katak populasaun sira barak mak foin mai husi foho no laiha kartaun eleitotal.(*)

Situasaun iha Sentru Votasaun Sira Dili Laran La’o Normal

timortoday — Fri, 09 Oct 2009 08:38:50 +0000

DILI – Situasaun jeral atividade votasaun ba lideransa komunitaria iha capital Dili lao normal. Iha sentru votasaun ida-idak, Polisia Nasional Timor Leste koloka membru sira hodi fo seguransa. Kuaze iha sentru votasaun sira balu populasaun iha entuziasmu hamriik forma ona dadeer tuku 06.30.
Hanesan iha suku Komoro, Fatuhada, Kampung Alor, Vilaverde nebe jornalista ekipa kobertura konjunta informa, katak votasaun la’o seguru, ka laiha peturbasaun durante votasaun.
Iha sentru votasaun EP No.5 Kampung Baru, suku Komoro nian, jornalista Juliao Fernandes informa katak iha tuku hitu dader sentru votasaun loke ona no populasaun balu forma hein atu vota. Iha sentru votasaun EP No.9 Aimutin to’o tuku 10.00 votaten sira sei forma naruk atu vota. Iha sentru votasaun EPS 30 de Agostu no EP Bebonuk to’o tuku 12.00 votante sei forma naruk kuaze 200 ba leten hein ba vota.
Iha suku Kampung Alor, iha sentru votasaun sede suku nian, jornalista Tomas Rodrigues fo reportajen katak votante sira mai hein ka forma ona atu vota molok tama tuku 07.00 oras vota nian. Maizumenus ema nain 50 nune’e forma ona hodi heis oras hahu votasaun.
Iha suku Fatuhada, jornalista Adalberto Elo fo reportajen katak iha sentru votasaun iha EPS No 2 Komoro hahu loke iha tuku 07.00 loloos. Iha pakote lima mak kompete iha suku Fatuhada ho nia xefe suku Armando Goncalves, Justino Moniz de Leite, Mario Ataide, Marcelino Soares, no Mateus Ximenes.
Iha maizumenus tuku 08.00, Diretor STAE Tomas Cabral vizita sentru votasaun EP no.5 Kampung Baru, suku Komoro. Nia informa situasaun jeral iha teritoriu tomak katak to’o tuku 08.00 dader ne’e situasaun lao normal. Iha Distritu Vikeke mak tuir Tomas Cabral, material eleisaun to’o tarde iha suku balu.
Iha suku Komoro iha pakote lima ho nia kandidatu xefe suku mak Antonio da Costa Xavier, Eurico da Costa de Jesus (xefe suku atual), Juliao Soares da Silva, Lino Pereira da Cruz, no Mateus Francisco Tavares.
Xefe suku atual suku Komoro Eurico da Costa de Jesus nebe sei kandidata an ba eleisaun suku ne’e temi katak eleitor iha suku ne’e rejistradu 21.887.
Nia hatete se povu hili nafatin, nia prontu halao programa nebe tinan haat liuba hala’o ona. Tuir nia katak problema nebe seidauk resolve mak veteran sira nian, deslokadu sira.
Maibe se la pasa iha eleisaun ne’e, nia pronto mos at suporta nafatin ba pakote seluk nebe manan.
Iha suku Kampung Alor pakote tolu mak komptete iha suku ne’e ho nia kandidatu xefe suku Agustinho G. da Silva nudar xefe suku atual, Afonso Soares, no Olimpio M. Cristo.
Iha suku Vila Verde iha pakote kandidatu tolu ho nia kandidatu be xefe suku mak Artur Arranhado, Antonio de Jesus Nunes, no Francisco Bento. Kandidatu xefe suku nain tolu ne’e ba jornalista hatete katak sira iha komitmentu ida deit katak lakon mos sira simu no manan karik sira sei hakuak povu tomak iha suku ne’e nia laran.
Situasaun iha sentru votasaun la’o normal, polisia sira mos la’o liu deit hodi haree situasaun. Iha mos observador husi OIPAS no IRI nebe prezensa iha sentru votasaun hodi observa diretamente prosesu votasaun.(*)

Seguransa Kontrolado

timortoday — Fri, 09 Oct 2009 08:36:34 +0000

Situasaun seguransa jeral ba loron eleisaun suco iha distritu Likisa, liliu suco Dato, Suco Bairopite no Bidau Santa-ana lao kontrolado tanba hetan seguransa husi Polisia Nasional Timor Leste (PNTL) nomos Polisia Nasoens Unidas nian (UNPOL).
Tuir reportajem jornalista sira ne’ebe envolve iha kobertura konjunta haktuir katak, hahu tuku 06.00 centro votasaun Eskola Primaria numeru 4 suco Bairopite no centro votasaun suco Dato, distritu Likisa no Suco Bidau Santa-ana laiha problema sobre preparasaun ba ekipamentus.
Problema ne’ebe akontese iha suco Dato mak brigade sira haluhan savi sela bainhira atu prepara material sensitivu maibe konsege resolve.
Votantes husi suco Dato estasaun 3 centru votasaun Eskola Primaria Mauboke Miguel dos Santos, 18 hateten, eleisaun suco importante ba nian tanba bele resolve problema saida deit iha suco laran.
Tanba importante, nia husu ba populasaun ne’ebe la-tuir eleisaun, ba futuru bele partisipa.
Maioria populasaun iha Suco Bidau Santa-ana, Bairopite no Dato distritu Likisa antusiasmo tuir votasaun hodi hili sira nian lideransa suco.
Iha Suco Bairopite, centru votasaun Perumnas votantes ida bainhira remata vota la tau kartaun buletin de votus iha kaixa maibe soe besik area votasaun. Hahalok ne’e brigada sira la-konsege identifika.
Numeru votantes ne’ebe tuir eleisaun iha centru votasaun Eskola Primaria Bairopite hamutuk ema nain 1500, no total votantes iha centru votasaun Sede Suco Dato hamutuk ema nain 1651. (*)

Balun Konsege Vota Ho Kartaun Eleitoral Kuak

timortoday — Fri, 09 Oct 2009 08:34:59 +0000

DILI – Eleitores ne’ebe lori passaporte, kartaun eleitoral tuan, foun maibe kuak no aat lakon direitu hodi partisipa eleisaun lideransa komunitaria ba tinan 2009, sesta (09/10) horseik.
Maibe, iha centru votasaun Eskola Primaria Numeru 2 Bidau Massau, Suco Bidau Santa-ana, sub distritu Cristo Rei votantes mane ida konsege vota ho kondisaun kartaun eleitoral kuak.
Votantes ne’e vota tanba la-hetan esplikasaun ne’ebe klaru husi brigada sira, bainhira mosu diskusaun ne’ebe naruk.
Problema seluk iha centru votasaun refere mak, votantes mane ida lori kartaun eleitoral foto kopia ho razaun kartaun orijinal lakon, bainhira husu esplikasaun ba brigada sira oinsa iha direitu atu vota ka lae, brigada ida husu ba votantes ne’e forma deit tuir linha.
“Hateten bele ka-lae, se labele hau bele fila ona, tanba hau lakohi forma ho tempu naruk hafoin atu vota mak dehan labele fali, “ hateten votantes ne’ebe lori kartaun eleitoral foto copia hodi hatudu ba brigada molok tama ba linha forma.
Seluk fali, votantes ne’ebe mai husi suco ou distritu seluk labele vota iha centru votasaun tanba tenki tuir eleisaun iha ida-idak nian suco bazeia ba registrasaun kartaun eleitoral.
Problema ne’e akontese tanba populasaun sira la-hetan informasaun diak husi staf STAE (Sentru Tekniku Administrasaun Eleisaun) nomos brigada sira bainhira too iha centru votasaun.
Tanba antes ne’e, eleisaun parlamentar no presidensial votantes sira bele partisipa eleisaun iha centru votasaun ne’ebe deit iha teritorio Timor Leste laran tomak.
Mesmo irregularidade eleisaun konsege mosu iha centru votasaun eskola primaria numeru 2 Bidau Massau maibe centru votasaun Sede Suco, suco Bidau Santa-ana lao normal tanba votantes ne’ebe lori kartaun eleitoral tuan no foun ho kondisaun kuak la-tuir votasaun.
Martinha da Costa, 45 ne’ebe lori kartaun eleitoral tuan iha centru votasaun sede suco hateten katak, durante ne’e la hetan informasaun kona-ba prosesu eleisaun suco.
Problema ne’ebe hanesan akontese mos iha Suco Bairopite, iha centru votasaun Eskola Primaria Numeru 2 Bairopite iha votantes nain rua ne’ebe mai ho kartaun eleitoral foun maibe ho kondisaun kuak, votantes nain haat ne’ebe mai husi suco seluk.
Iha centru Eskola Primaria Hudi-laran, suco Bairopite votantes ida lori kartaun eleitoral tuan, no votantes ida seluk lori passaporte, votantes nain tolu lori kartaun eleitoral foun maibe ho kondisaun kuak, votantes nain haat mai husi suco seluk.